دماغى

دماغى غريبه عجيبه مريبه
بس اهم صفه فيها انها جزمه قديمه
عنيده لاقصى درجه
ولما ببقي مقتنعه بحاجه حتى لو غلط فى نظر الناس
برده بفضل مقتنعه بيها
مش سهل اغير معتقدات و افكار سنين فى مناقشه
خصوصا لو الموضوع يخصنى انا
يمكن لو اى موضوع تانى ببقي مرنه و ممكن اتناقش
بس باجى لحد الحاجات اللى تخصنى
و المناقشه بتخلص و بتوصل لطريق مسدود
و اللى فى دماغى بيفضل فى دماغى
يمكن عشان كده مش بحب اتكلم فى المواضيع دى اصلا
او تيجي سيرتها
عشان عارفه نهايه النقاش

فلحد دماغى و Stop
Keep out
اللى جوه مش هيعجبك
ومش هتفهم برده