يخرب بيت الجنان

اسوء حالاتى بجد هى اما ببقي زهقانه
عشان ببقي مجنونه و ضاربه و مش راسيه على حاله
بعمل 100 حاجه فى نفس الوقت
ممكن ابقي هعيط و اقوم اتنطنط و احتمال ارقص :D
بقول اى كلام فى البتنجان
بعمل افلام .. ببقي البطل و البطله و المنتج و المخرج و المصور و الجمهور :D
ببقي لا اطاق حقيقي
انا شخصيا مش بطيق نفسي
خصوصا لو حد حظه التعيس وقعه تحت ايدى
ممكن اطلع مخزون غلاسه يكفى العالم و يبقي فيه فايض كمان
ده غير مخزون الهبل اللى بيطلع
ده بقى يكفى المجره و المجرات المحيطه مش العالم بس
مش عارفه ...
ببقي زى الغريق اللى بيتعلق بقشايه
بيعمل اى حاجه .. اى حاجه عشان ميدخلش طريق هو عارف نهايته كويس
يمكن عشان كده .. اما بوصل لقمه الجنان و التهييس
بعرف انى وصلت للاكتئاب ...
على اساس ان مفيش مانع اهيس اهيس يمكن ابقي كويس ..
بس على مين (H)
عادى عادى .. بتحصل فى احسن العائلات
بس الهبل المره دى جالى بالتصوير مش عارفه ليه
اتصورت كميه صور ... الواحد يقرف يبص لها اصلا
تدل ان صاحبها معاه شهاده معامله اطفال ... و الاطفال احباب الله
بس اول ما ارجع لحالتى الطبيعيه همسحهم ان شاء الله

لست انا هذا الشخص بتاتا

و فليحيي البتنجان