..

انا : مش خارج انهارده ولا ايه ؟
هو : مش عارف
انا : هما صحابك فكسوا انهارده
هو : يا بنتى انا لو عايز دلوقتى اخرج فى خروجه فى مدينه نصر و فيه فى مصر الجديده
والمعادى و المنيل و المهندسين ... ده غير ان على طول فيه الهرم
انا بس اللى مكسل انزل
نفسي اقعد فى البيت شويه !
انا : امشي من وشي .. خلاص كفايه كده
هو : اه ,. لا مش قصدى اغيظك خالص
والله يا بنتى انتى بتصعبى عليا !!



جه اليوم اللى بقيت بصعب فيه على اللى يسوى و اللى ميسواش


*********

وانا ماشيه انهارده دعيت ربنا
عشان بجد كنت محتاجه لك
عمرى ما كنت محتاجه لحد قد ما انا محتاجه لك دلوقتى
عايزه نتكلم كتيييير قوى
جوايا كتير قوى .. عايزه اتكلم فيه
بجد محتاجه لك قوى و الحمد لله انى لقيتك
اه معرفناش نتكلم انهارده بس ان شاء الله الايام جايه كتير

**********


بكره احساس العجز
مبعرفش اكون قليله الحيله
على طول مبحبش اقف قدام حيطه سد او طريق مقفول
بدور على اى طريق تانى
عشان بحب اعمل اللى فى دماغى
بس مش عارفه في ايه دلوقتى
كل حاجه بقت
و بحاول بس مفيش فايده
هو فعلا مفيش؟؟