الحب

لسه واخده جرعه حب مكثفه على الراديو
بس اى كلام عن الحب مش بيخلص
ومش بيعدى مرور الكرام اكنك بتتكلم عن الباميه بكام انهارده
بس ده كلام عن احلى حاجه فى الكون
الحب بكل اشكاله و كل انواعه

ان يكونلك حد

يبقي فى حد .. تحب تتعبله ... تعبه راحه زى ما بيقولوا
النار معاه احسن من 100 جنه بعيد عنه
قلبك يوجعك .. بس الوجع ده اهون من حاجات كتير
فعلا لو قدرت تبعد عن حد بسهوله
وتقوى قلبك عليه .. و تبعد عنه
تبقي مش بتحبه

لو كان الحب بايد الانسان مكنش حد قلبه وجعه
انت بتحب كيان ... صفات و روح .. مميزات و عيوب
فيه اساسيات بتقربك من اللى قدامك لدرجه انك تحبه
بس انكوا تنفعوا لبعض او لا ...
الحب ده متبادل اصلا ولا لا ...
لما بتحب .. بتبقي فى الهامش مع انها المفروض انها الاساس


بس الارتباط بيبقي قلب و عقل و روح و حاجات كتير
الحب .. مشاعر بس ... و نصيب
بتشوف حد طول حياتك ... و فجاه تكتشف انك كنت بتحبه طول حياتك و انت مش عارف
بتشوف حد لاول مره فى حياتك و بتحس ان ده نصيبك

مهما كانت الطريقه ... فالحب اللى بجد بيبقي اقوى من الانسان نفسه
اقوى من الايام على راى مصطفى كامل

خد عايز تهتم بكل تفاصيله
اكل .. شرب .. نام ... تحس بمتعه و انت بتعمله اى حاجه
تبقي عايز تختار معاه لبسه ..
تشاركه افكاره و احلامه و قراراته
اما يحتار فى حاجه ... يفكر فى حاجه ... يحتاج حاجه ..
تبقي انت اول حد يجي على باله ...
وانت فى منتهى السعاده

بتحب عشان انت بتحبه ...
الحب عندى فعل مش رد فعل
انا بحبك عشان انا بحبك ... مش عشان انت بتحبنى او ممكن تحبنى

عشان كده اكتر حاجه ممكن تجننى ان حد يرتبط بحد لانه بيحبه
لان الاتنين يستحقوا احسن من كده
اللى بيحب .. يستحق حد يحبه
واللى بيتحب يستحق يبقي مع حد هو بيحبه
مش مجرد حد لقي فيه اللى عايزه و بيحبه .. و هو قال و ماله