محتاجه ايه ؟؟

انا محتاجه ايه ..
محتاجه افهم انا فين و رايحه فين
اعرف هعمل ايه
اعرف اتعامل مع كل حاجه ازاى
محتاجه قوى ابقي مسئوله من حد
نفسي احس ان فى حد مسئول عنى
وانى مبقاش انا مسئوله عن نفسي

مش عارفه ليه محتاجه الاحساس ده قوى دلوقتى
يمكن عشان تايهه و خايفه
يمكن عشان انا طول عمرى مسئوله عن نفسي
و يمكن عشان انا مش بس مسئوله عن نفسي
انا كمان بحس انى مسئوله عن اللى حواليا

انا مش تعبانه من المسئوليه دى
ومقدرش اسيبها .. او محسش انى مسئوله عن الناس دى
لانهم بكل حاجه فيهم ... بمسئوليتى ناحيتهم ..
جزء منى
بس ده ميمنعش انى عايزه حد يبقي مسئول عنى
وانا مسئوله منه
يحسسنى بالامان

مش عارفه هقدر الاقى الحد اللى يقدر يتغلب على طبيعتى
عشان انا حتى لو حد عايز يبقي مسئول عنى
مش بدى لحد الفرصه دى ..
و ببقي انا اللى مسئوله عنهم ..

مش عارفه
بس عارفه انى محتاجه ده قوى
بجد محتاجاه