مش عارفه ليه حاسه انى عايزه اكتب
مع انى مش قادره اتكلم او اتناقش مع حد
بس اصل انا جنانى تعبنى
حاجه سخيفه انك تبقي مجنون و ضارب و عارف انك مجنون و ضارب
و متقدرش تعمل حاجه
انا مش حد صريح ... و مع ذلك مش بعرف اخبى ..
بيبان عليا بسهوله ...
بس فى حاجات .. اخدت سنين فى التدريب على انك تخبيها ..
بتقول الكلام اللى يريح اللى قدامك .. و يريحك انت كمان من حوار ملوش لزوم
بتقول انك مقتنع بكل الكلام .. و انك متاكد و واثق و ده اساسى
وانت ولا مقتنع و لا بتاع ..
انا معقده !!!!
عندى كلاكيع بقالها 20 سنه .. من يوم ما اتولدت تقريبا
الناس بتقول اننا بنتولد نضاف و ملايكه
انا بقى اتولدت مكلكعه ..
وش كده ... مش بحب نفسي ..
مش شايفه نفسي حد كويس ...
لا انا شخصيه تحفه و جامده ... ولا شكلا انا كده
و ده مش هبل ولا عدم ثقه بالنفس ..
ده نتيجه سنين من التعامل مع البشر ..
و خلاصه الاراء فيا
عشان كده بتجنب على قد ما اقدر اتكلم فى الموضوع ده
عشان مينفعش حد يوافقنى فى رايي
و انا مش هقتنع باى كلام تانى
فالحكايه بتوصل لمناقشه خنيقه ملهاش طعم
مش بقول ان مفيش حد بيحبنى .. لان فيه ناس بتحبنى ..
بس ممكن حد يحبك .. و لما يشوف زبالتك بيقرف
مش بيمشي او يبعد ... بس بيقرف ..
و فى حد بيحبك .. اما يشوف زبالتك ... يحبك اكتر ..
مش عشان هما بيحبوا الزباله لا قدر الله
بس عشان بيشوفوا الزباله و العيب ده .. على انها مشكله لك
و بيفكروا فى تاثيرها عليك ... و يخافوا عليك من نفسك ..
فبيحبوك اكتر و يبقوا عايزين يقربوا اكتر و اكتر ..
وانا الحمد لله قابلت ناس من النوع ده
بس اصل انا حد صعب .. صعب جدا التعامل معاه
تقلباتى كتير ... و جنانى اكتر ..
شخصيه صعبه ... يمكن ده السبب فى انى بتعامل مع الناس
لحد ما يقربوا لدرجه معينه و بعدين خلاص .. كل حاجه بتنتهى
الناس اللى انا عرفتهم مكانوش وحشين .. ولا اندال
بالعكس كانوا ناس كويسه قوى و ناس جواها نضيف و طيبين
بس لكل انسان طاقه تحمل
انا مش عارفه بكتب الكلام ده ليه ...
بس كنت حاسه انى عايزه اقول الكلام ده ...
و مش عايزه اتناقش فيه ..
عشان ده انا
حد بايظ قوى من جوه
لو دخلت هتلاقى انقاض و حاجات مكسوره
واحتمال تتاذى او تتجرح من الانقاض دى
مع انى مش قادره اتكلم او اتناقش مع حد
بس اصل انا جنانى تعبنى
حاجه سخيفه انك تبقي مجنون و ضارب و عارف انك مجنون و ضارب
و متقدرش تعمل حاجه
انا مش حد صريح ... و مع ذلك مش بعرف اخبى ..
بيبان عليا بسهوله ...
بس فى حاجات .. اخدت سنين فى التدريب على انك تخبيها ..
بتقول الكلام اللى يريح اللى قدامك .. و يريحك انت كمان من حوار ملوش لزوم
بتقول انك مقتنع بكل الكلام .. و انك متاكد و واثق و ده اساسى
وانت ولا مقتنع و لا بتاع ..
انا معقده !!!!
عندى كلاكيع بقالها 20 سنه .. من يوم ما اتولدت تقريبا
الناس بتقول اننا بنتولد نضاف و ملايكه
انا بقى اتولدت مكلكعه ..
وش كده ... مش بحب نفسي ..
مش شايفه نفسي حد كويس ...
لا انا شخصيه تحفه و جامده ... ولا شكلا انا كده
و ده مش هبل ولا عدم ثقه بالنفس ..
ده نتيجه سنين من التعامل مع البشر ..
و خلاصه الاراء فيا
عشان كده بتجنب على قد ما اقدر اتكلم فى الموضوع ده
عشان مينفعش حد يوافقنى فى رايي
و انا مش هقتنع باى كلام تانى
فالحكايه بتوصل لمناقشه خنيقه ملهاش طعم
مش بقول ان مفيش حد بيحبنى .. لان فيه ناس بتحبنى ..
بس ممكن حد يحبك .. و لما يشوف زبالتك بيقرف
مش بيمشي او يبعد ... بس بيقرف ..
و فى حد بيحبك .. اما يشوف زبالتك ... يحبك اكتر ..
مش عشان هما بيحبوا الزباله لا قدر الله
بس عشان بيشوفوا الزباله و العيب ده .. على انها مشكله لك
و بيفكروا فى تاثيرها عليك ... و يخافوا عليك من نفسك ..
فبيحبوك اكتر و يبقوا عايزين يقربوا اكتر و اكتر ..
وانا الحمد لله قابلت ناس من النوع ده
بس اصل انا حد صعب .. صعب جدا التعامل معاه
تقلباتى كتير ... و جنانى اكتر ..
شخصيه صعبه ... يمكن ده السبب فى انى بتعامل مع الناس
لحد ما يقربوا لدرجه معينه و بعدين خلاص .. كل حاجه بتنتهى
الناس اللى انا عرفتهم مكانوش وحشين .. ولا اندال
بالعكس كانوا ناس كويسه قوى و ناس جواها نضيف و طيبين
بس لكل انسان طاقه تحمل
انا مش عارفه بكتب الكلام ده ليه ...
بس كنت حاسه انى عايزه اقول الكلام ده ...
و مش عايزه اتناقش فيه ..
عشان ده انا
حد بايظ قوى من جوه
لو دخلت هتلاقى انقاض و حاجات مكسوره
واحتمال تتاذى او تتجرح من الانقاض دى
No comments:
Post a Comment